छोरो बसेको छ बुहारी शहरमा राखेर
गजल
बुढा बुवा आमालाई गाउँ–घरमा राखेर
छोरो बसेको छ बुहारी शहरमा राखेर
उस्ले प्रेमीकाको बयान यसरी गर्यो
सुन्दरतालाई अंक र अक्षरमा राखेर
नदी पनि कहिले नफर्किने गरि गयो
मेरा पैतालाका डोबहरु बगरमा राखेर
हातका औंलाहरु मसँग गर्छन् गुनासो
र भन्छन् बस्न हामीलाई बराबरमा राखेर
मन्दिर अगाडि माग्ने मागिरहे बिचरा
तर मान्छे जान्छन् पैसा पत्थरमा राखेर।।
विवश खड्का
धनगढी, कैलाली
३ साउन २०७७, शनिवार ०६:१५ बजे प्रकाशित
