बाजुरामा पहिरोमा पुरिएर एक जनाको मृत्यु
बाजुरा, असार ३० । बाजुराको बुढीनन्दामा पहिरोमा परिएर एक जनाको मृत्यु भएको छ ।
जिल्लाको बूढीनन्दा नगरपालिका–३ मा पहिरोमा पुरिएर बूढीनन्दा–३ मेलढुस्काका ७२ वर्षीय शिव बोहराको पहिरोमा पुरिएर मृत्यु भएको हो ।
सोमबार मेलढुस्का काप्कोट सडकको बीचमा गोरु चराउन गएका बेला माथिबाट आएको पहिरोमा परी बोहराको मृत्यु भएको जिल्ला प्रहरी कार्यालय बाजुराका सूचना अधिकारी दानबहादुर रोकायाले जानकारी दिए ।
घटनाबार थप अनुसन्धानका लागि प्रहरी टोली घटनास्थलतर्फ गइसकेको जिप्रका बाजुराले जनाएको छ।
३० असार २०७७, मंगलवार ०५:१५ बजे प्रकाशित
