डडेल्धुराको अमरगढी नगरपालिकाका प्रमुख ब्रह्मा कुमारी इश्वरीय विश्व विद्यालय राजयोग केन्द्र डडेल्धुराको समन्वयमा अन्नाम बिश्वबिद्यालयबाट डडेल्धुरामा पहिलो श्रेणीमा उत्तीर्ण गरेकोमा सम्मानित भएका छन् । अमरगढी नगरपालिकाका नगरप्रमुख विशेश्वर प्रसाद ओझा (विपिन)ले योगा र शिक्षाको महत्व बिषयमा स्नातकोत्तर पास गरेका हुन । ब्रह्मा कुमारी इश्वरीय विश्व विद्यालय डडेल्धुरा शाखाले शनिबार एक कार्यक्रमका बिच नगरप्रमुख ओझालाई स्नातकोत्तरको प्रमाण -पत्र हस्तान्तरण गरेको छ । प्रमाण पत्र हस्तान्तरण गर्दै नगरप्रमुख ओझाले आफुले २०७६ साल मंसिरबाट अध्ययन सुरु गरेको बताए ।

आफुले सिकेको आध्यात्मिक ज्ञान सिप आफ्ना लागी मात्र नभई परिवार,समाज र राजनितिक जिवनका लागी पनि महत्वपुर्ण सिकाई भएको नगरप्रमुख ओझाले बताए । उनले भने,स्थानिय सरकारको जिम्मेवारी लिएको ५ वर्ष बित्दै गर्दा भोलि म यो जिम्मेवारीमा रहुँला या नरहुँला तर म सामाजिक रुपमा जहिले पनि एक सकारात्मक नेताको रुपमा चिनिन पाउँ यो मेरो अहोभाग्य हुनेछ ।

प्रमाण पत्र हस्तान्तरणमा ब्रह्मा कुमारी इश्वरीय विश्वविद्यालयकी सन्चालिका गँगाले योगा र शिक्षाको महत्व बिषयमा स्नातकोत्तरका लागी नगरप्रमुख ओझाको मेहनत समय व्यवस्थापन महत्वपुर्ण रहेको बताइन् ।

ब्रह्मा कुमारी इश्वरीय विश्व विद्यालय डडेल्धुरा शाखाको आयोजनामा भएको प्रमाण पत्र हस्तान्तरण कार्यक्रममा जिल्ला प्रसासन कार्यालय डडेल्धुराका प्रमुख जिल्ला अधिकारी मोहन राज जोशी, राजनितिक दल, समाजसेवि, स्थानिय र पत्रकारहरुको समेत सहभागीता रहेको थियो ।

१२ चैत २०७८, शनिवार १४:५६ बजे प्रकाशित