बाँकेमा बाघको आक्रमणबाट एक जनाको मृत्यु
बाँकेको राप्ती सोनारी गाउँपालिका-६ फत्तेपुरमा बाघको आक्रमणबाट एकजनाको मृत्यु भएको छ । राप्ती सोनार ६ निवासी करिव ६० वर्षीय धनबहादुर चलाउनेलाई आज बिहान बाघले आक्रमण गरी मारेको हो ।
बाघले शनिबार बिहान फत्तेपुरस्थित राप्ती पीडित सामुदायिक वन अन्तर्गत पर्ने सिक्टा सिचाइँ आयोजनाको पुर्वी नहरको छेउमा ६० वर्षीय चलाउनेलाई आक्रमण गरेको राप्ती सोनारी ६ का स्थानीय बासिन्दा प्रदिप पौडेलले जानकारी दिए ।
यस भन्दा अगाडी पनि वडा नम्बर -६ कै २९ वर्षीया चाँदनी थारु र राप्ती सोनारी -४ पर्सोना निवासी ५३ वर्षीया लिला बिष्टको बाघले आक्रमण परी मृत्यु भएको थियो ।
७ फागुन २०७८, शनिवार १४:०७ बजे प्रकाशित
