आमहड्तालको रिर्पोटिङका क्रममा कञ्चनपुरमा पत्रकारमाथि कुटपिट भएको छ। प्रचण्ड–नेपाल समूहले आह्वान गरेको आमहड्तालको रिपोर्टिङमा रहेका पत्रकार मदन गिरीमाथि महेन्द्रनगर बसपार्कस्थित चम्मन चौकमा कुटपिट भएको हो ।

उनीमाथि पूर्व मन्त्री समेत रहेका नेकपाका नेता उर्वादत्त पन्त, भीमदत्त नगरपालिकाका पूर्व मेयर ईश्वरीप्रसाद खरेललगायतका नेताले लात्ता प्रहार गर्दै कुटपिट गरेका हुन् ।

हड्तालका कारण अलपत्र गरेका यात्रुहरुसँग कुराकानी गरिरहेका पत्रकार गिरीमाथि उनीहरु जाई लागेका थिए । खरेलले को हौ तिमी भन्दै दुर्व्यवहार गरेको र पूर्वमन्त्री पन्तले लात्ताले प्रहार गरेको उनले बताएका छन् ।

२२ माघ २०७७, बिहीवार १५:५४ बजे प्रकाशित