भीरबाट लडेर डोटीमा एकजनाको मृत्यु भएको छ।

जिल्लाको पूर्वीचौकी गाउँपालिका वडा नम्बर २ वाडीका ६० वर्षीय काले भुलको भीरबाट लडेर मृत्यु भएको हो।

आइतबार दिउँसो गोरु गोठालो गएका उनी साँझसम्म घर नफर्किएपछि आफन्तले खोजी कार्य गरेका थिए। सोमबार बिहान उनको शव घरबाट २ किलोमिटर टाढा भेटिएको स्थानीयले जनाएका छन्।

भुल जौपुल्ले भीरबाट लडेर मृत अवस्थामा भेटिएको स्थानीय नारद नेपालीले बताए।

२० पुस २०७७, सोमवार १५:१५ बजे प्रकाशित