सेती प्रादेशिक अस्पतालको प्रयोगशालामा गरिएको परीक्षणमा कैलालीका १८ सहित सुदूरपश्चि प्रदेशमा २३ जनामा कोरोना संक्रमण पुष्टि भएको छ ।

तीन सय ५१ जनाको परीक्षण गर्दा २३ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए । उनकाअनुसार कैलालीका १८ मध्ये धनगढी उपमहानगरपालिकाका ९ जनामा संक्रमण देखिएको छ । उपमहानगरपालिकाको वडा नम्बर २ का तीन जना, वडा नम्बर ४ का दुई जना, वडा नम्बर ३, ५, ८ र १९ का एक÷एक जनामा संक्रमण पुष्टि भएको छ ।

यस्तै, कैलालीको लकीचुहा नगरपालिकाकामा पाँच जना, गोदावरी नगरपालिकाका दुई जना, गौरीगंगा नगरपालिका र ठेगाना नखुलेका एक÷एक जनामा संक्रमण पुष्टि भएको छ।

यस्तै, बाँकी पाँच जनामध्ये कञ्चनपुरको भीमदत्त नगरपालिकाका तीन जना, बेलौरी नगरपालिकाका एक जना र बझाङका एक जनामा कोरोना संक्रमण पुष्टि भएको सूचना अधिकारी श्रेष्ठले जानकारी दिए ।

४ मंसिर २०७७, बिहीवार १६:२० बजे प्रकाशित