राजतन्त्र पक्षधरहरुले अहिले कैलालीको धनगढीदेखि अत्तरियासम्म विशाल र्याली निकालेका छन् । धनगढीको बुद्धचोकदेखि चौराह हुँदै र्याली निकालिएको छ ।

संवैधानिक राजतन्त्र पुनःबाहालीको माग गर्दै निकालिएको र्यालीमा हजारौं युवाहरुको सहभागिता रहेको छ । स्वतन्त्र देश भक्त नागरिक सुदूरपश्चिमको आयोजनामा गरिएको र्याली अत्तरिया परिक्रमा गरी पुनः धनगढी चौराहामा कोणसभा गर्दै कार्यक्रम गर्दै सम्पन्न गरिने जनाइएको छ ।

र्यालीमा सहभागीहरुले राजा आउ देश बचाउ, हाम्रो राजा हाम्रो देश प्राण भन्दा प्यारो छ, लगायतका नारा लगाएका छन् । र्यालीमा चार पाग्रे गाडी र एक हजार भन्दा बढी मोटरसाइकलमा गरेर झण्डै २५ सय भन्दा बढी व्यक्तिहरुले सहभागिता जनाएका छन् ।

४ मंसिर २०७७, बिहीवार १३:४५ बजे प्रकाशित