छोरीलाई बलात्कार गरेको आरोपमा बाबु पक्राउ
उदयपुरको त्रियुगा नगरपालिकामा १३ वर्षीया छोरीलाई पटक–पटक बलात्कार गरेको अभियोगमा प्रहरीले ४० वर्षीय बाबुलाई पक्राउ गरेको छ ।
नगरपालिकाको वडा नम्बर ११ का ४० वर्षीय बाबुलाई केही समययतादेखि पटक–पटक बलात्कार गरेको अभियोगमा पक्राउ गरिएको जिल्ला प्रहरी कार्यालय उदयपुरले जनाएको छ ।
प्रहरीमा छोरी बलात्कार गरेको निवेदन परेपछि उनलाई प्रहरीले पक्राउ गरेर अनुसन्धान सुरु गरेको उदयपुर जिल्लाका प्रहरी प्रमुख प्रहरी उपरीक्षक भीमप्रसाद दाहालले बताए । उनकाअनुसार बालिकाको जिल्ला अस्पतालमा स्वास्थ्य जाँच गराइएको छ ।
३ पुस २०७७, शुक्रवार १६:५८ बजे प्रकाशित
