नेपाल उद्योग बाणिज्य महासंघको केन्द्रीय सदस्यमा निर्वाचित कैलाली उद्योग बाणिज्य संघका अध्यक्ष पुष्पराज कुँवरलाई धनगढी बिमानस्थलमा स्वागत गरिएको छ ।

कुँवर प्रदेश तर्फबाट उद्योग बाणिज्य महासंघको केन्द्रीय सदस्यमा निर्वाचित भएका थिए । कुवँरलाई बिहीबार कैलाली उद्योग बाणिज्य संघका पदाधिकारी तथा सम्पूर्ण कार्यसमितिलगायत सल्लाहकारहरुले बिमानस्थलमा स्वागत गरेका हुन् । धनगढी बिमानस्थलमा स्वागत गर्दै कुँवरलाइै बधाई तथा कार्यकाल सफलताको सुभकामना समेत दिएका थिए ।

कुँवरलाई बिमानस्थलमा स्वागत पश्चात कैलाली उद्योग बाणिज्य संघको हलमा एक कार्यक्रमको आयोजना गरी कुँवरले सुदूरपश्चिमका सबै जिल्ला तथा नगर उद्योग बाणिज्य संघका अध्यक्षहरुलाई धन्यवाद दिए ।

साथै उनीहरुलाई मायाको चिनो समेत प्रदान गरिएको थियो । आगामी दिनमा पनि सुदूरपश्चिमको व्यावसायिक बिषयमा एकता रहने प्रतिबद्धता सबै अध्यक्षहरुले गरेका छन् ।

१९ मंसिर २०७७, शुक्रवार १२:१२ बजे प्रकाशित