Hotel Flora Long Ad

बीबीएस प्रथम वर्षमा समिता नेपाल टप भएको दाबी

बीबीएस प्रथम बर्षमा धनकुटाकी समिता ढुङ्गेलले सर्वोत्कृष्ट अंक ल्याएर प्रथम भएको दाबी गरिएको छ ।

लिवर्टी कलेज धनकुटामा अध्ययनरत ढुङ्गेलले व्यवस्थापन ९बीबीएस० तर्फ स्नातक तह प्रथम बर्षमा ८४ दशमलव २ प्रतिशत अंक ल्याएकी छन् ।

यो नेपालकै सर्वोत्कृष्ट अंक भएकाले ढुङ्गेल नेपाल प्रथम भएको लिवर्टी कलेजले दावी गरेको हो । बीबीएस प्रथम बर्षका बिद्यार्थी मध्ये सबैभन्दा धेरै अंक ल्याउँदै समिता नेपाल प्रथम भएको लिवर्टीका क्याम्पस प्रमुख हिमसागर कार्कीले दावी गरे ।

क्याम्पस प्रमुख कार्कीले हालसम्म समिताले भन्दा बढी अंक कसैले पनि नल्याएकाले समिता नेपाल टप भएको दावी गरिएको बताए । त्रिभुवन विश्वविद्यालयले भने नेपाल प्रथमको आधिकारीक घोषणा गरेको छैन । तर, अन्य बिद्यार्थीले ल्याएको अंकको तुलनामा लिवर्टी कलेजले समितालाई नेपाल प्रथम दावी गरेको हो ।

धनकुटाको छारागाउँ घर भएकी समिताले धनकुटा इङ्लिस सेकेण्डरी बोर्डिङ स्कूलबाट ए प्लससहित २०७२ मा एसईई उत्तीर्ण गरेकी थिइन् ।

२० असोज २०७७, मंगलवार ०९:४० बजे प्रकाशित

Dhangadi Corona

प्रतिक्रिया दिनुहोस्

सम्बन्धित शीर्षकहरु