घाँटी काटिएको अवस्थामा युवकको शव भेटियो
झापाको शिवसताक्षीमा घाँटी काटिएको अवस्थामा एक युवकको शव भेटिएको छ । शिवसताक्षी नगरपालिकाको जंगलमा स्थानीय २८ वर्षीय गोमानसिंह मगरको घाँटी काटिएको शव भेटिएको हो ।
मृतकको शव पोष्टमार्टमका लागि विपी कोइराला स्वास्थ्य विज्ञान प्रतिष्ठानमा पठाइएको प्रहरीले जनाएको छ । मगर केही महिना अघि मात्र बहराइनबाट फर्किएका थिए ।
मंगलबार साँझ साढे ६ बजे घरबाट निस्किएका मगर बेपत्ता भएका थिए । घटनास्थलबाट एउटा मोटरसाइकल बरामद भएको प्रहरीले बताएको छ । घटनाको थप अनुसन्धान भइरहेको प्रहरीले जनाएको छ।
१७ भदौ २०७७, बुधवार १८:०२ बजे प्रकाशित
