धनगढी, साउन २३ । डोटेली नायक बोग्टानी किङको लगानीमा निर्माण थालिएको डोटेली चलचित्र नन्दीको पोष्टर सार्वजनिक भएको छ ।

पोष्टर शुक्रबार दिउँसो सार्वजनिक भएको हो । सार्वजनिक गरिएको पोष्टरमा भिलेनलाई लखेट्दै गरेको दृश्य राखिएको छ । सिएस फिल्मस् प्रालिको व्यानरमा निर्माण गरिएको चलचित्र नन्दीको यसअघि ट्रिजर सार्वजनिक भइसकेको थियो ।

यसैगरी सुदूरपश्चिमको मौलिक पर्व ओल्केको अवसर पारेर नन्दी चलचित्रको ट्रेलर सार्वजनिक गरिने भएको छ । फिल्मको गीत ‘ओ साइवउ’ यसअघि सार्बजनिक भइसकेको छ । जुन गीतले चर्चा पनि पाएको छ ।

२३ साउन २०७७, शुक्रवार ११:५० बजे प्रकाशित