मुकुलले भनेका छन्, ‘तपाईँले ममाथि स्पष्टीकरण सोध्नुअघि आफू नैतिक धरातलमा खडा भएको पुष्टि गर्न सक्नुपर्छ ।’ उनले सभापति लामिछानेबारे सहकारी प्रकरण र २ वटा पासपोर्ट प्रकरणको पनि कुरा उठाएका छन् । उनले लामिछाने गृहमन्त्री बन्दा सरुवा बढुवामा चलखेल गरेको आरोप लगाएका छन् ।

उनले भनेका छन्, ‘पार्टी सभापति पदबाट राजीनामा दिई आफ्नो नैतिकतालाई थोरै भए पनि जोगाउन सुझाव दिन चाहन्छु ।’