मुख्यमन्त्री शाहले पाए विश्वासको मत
कैलाली । सुदूरपश्चिम प्रदेशमा दुई तिहाई बहुमतको समर्थनसहित मुख्यमन्त्री कमलबहादुर शाहले विश्वासको मत प्राप्त गरेका छन् । आज विश्वासको मत लिएका मुख्यमन्त्री शाहलाई नेकपा माओबादी केन्द्र, नागरिक उन्मुक्ति पार्टी र नेकपा एकीकृत समाजबादीले विश्वासको मत दिएका छन्।
सभामुखसहित ५३ सदस्यीय प्रदेशसभामा नेपाली कांग्रेसका १९, माओवादी केन्द्रका सभामुखबाहेक १०, नागरिक उन्मुक्तिका ७, नेकपा एसका ४ र स्वतन्त्र १ जना गरि मुख्यमन्त्रीको पक्षमा ४१ मत प्राप्त भएको छ ।
मुख्यमन्त्री शाहलाई मत नदिने निर्णय गरेका नेकपा एमालेका १० र राप्रपाका १ गरि ११ जनाले विपक्षमा मतदान गरेका थिए ।
२१ फागुन २०७९, आइतवार १६:२० बजे प्रकाशित
