अभिनेत्री करिश्मा मानन्धरले केही समयअघि एमालेको चुनावी कार्यक्रममा आफ्नो न्वारानको नाम सूर्य कुमारी भएको बताइन् । एमालेको चुनाव चिह्न सूर्य भएकाले उनले यही मेसोमा आफ्नो न्वारानको नाम सार्वजनिक गर्न भ्याइन् ।

यही कुरालाई लिएर सोसल मिडियामा उनलाई धेरैले ट्रोल गरे । अझै पनि, फेसबुकमा उनका हरेक पोस्टमुनि कमरेड सुर्जे कुमारी भन्दै खिल्ली उडाउनेहरू कम छैनन् । कमेन्टमा उडाउनेहरूलाई जवाफ दिन करिश्माले आफ्नो फेसबुक पेजमै सूर्य कुमारी नाम थपेकी छन् ।

फेसबुक पेजमा पनि नाम सूर्य कुमारी थप्नुभएछ नि भन्ने प्रश्नमा उनले भनिन्, ‘ट्रोल बनाएर उडाउनेहरूलाई जवाफ दिन फेसबुक पेजमै सूर्य कुमारी नाम थपेकी हुँ ।

उनले आफ्नो बायोमा पनि उक्त नामबारे उल्लेख गरेको बताइन् । बाबुराम भट्टराईको तत्कालीन नयाँ शक्ति पार्टीबाट राजनीति थालेकी करिश्मा हालै एमालेमा प्रवेश गरेकी छन् ।

८ वैशाख २०७९, बिहीवार १२:३२ बजे प्रकाशित