देशभर गत २४ घण्टामा १३ सय ६९ जनामा कोरोना संक्रमण पुष्टि भएको छ। ८ हजार ८ सय ८० जनाको पिसिआर परीक्षण गर्दा १ हजार १३ र ३ हजार जनाको एन्टिजेन परीक्षण गर्दा ३ सय ५६ जनामा संक्रमण पुष्टि भएको हो।

यस्तै २ हजार २ सय ३८ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । १२ जना संक्रमितले ज्यान गुमाएका छन्।

सक्रिय संक्रमितको संख्या २९ हजार ४ रहेको मन्त्रालयको तथ्यांक छ। गत २४ घण्टामा २ लाख २० हजार ६ सय १ जनाले कोरोनाविरुद्धको खोप लगाएका छन्।

२७ माघ २०७८, बिहीवार १८:५४ बजे प्रकाशित