‘पञ्चेबाजा बजाउँदै’ मा सुधीर र करिश्मा
गायक तथा संगीतकार अनुप रेग्मीले नयाँ गीत ‘पञ्चेबाजा बजाउँदै’ ल्याएका छन् । गीतमा येदीन गजमेरले शब्द तथा संगीत दिएका छन् ।गीतको भिडियोमा मोडल सुधीर श्रेष्ठ र करिश्मा ढकालको अभिनय देख्न सकिन्छ ।
विवाहको माहौल क्रियट गरेर छायाङ्कन भएको भिडियो जुनी गजमेरले निर्माण गरेकी हुन् । गीत तथा भिडियोले दर्शक श्रोताको मन छुने विश्वस गीतकार येदीनले गरेका छन् ।
गायक रेग्मीले नै निर्देशन गरेको भिडियोमा पुष्कर सुनुवारको एरेन्ज, केशवराज भट्टको कोरियोग्राफी छ । बुद्ध थापाको छायाङ्कन रहेको भिडियो विकास दाहालले सम्पादन गरेका हुन् ।
४ माघ २०७८, मंगलवार १४:१९ बजे प्रकाशित
