नेपाली काँग्रेस कैलालीका जिल्ला सभापति नरनारायण शाह ‘मनु’को वडा धनगढी उपमहानगरपालिका वडा नम्बर २ मा वडा कार्यसमितिसहित सबै निर्विरोध निर्वाचन भएका छन् । वडा सभापतिसहितको कार्यसमिति र ६९ जना क्षेत्रीय प्रतिनिधिहरु निर्विरोध निर्वाचित भएका छन् ।

शनिबार विहान भएको वडा अधिवेशनबाट गणेश वम सभापति छानिएका छन् । उनको नेतृत्वमा ३२ सदस्यीय कमिटी बनेको छ ।

यस्तै गरेर सो वडाबाट ६८ जना क्षेत्रीय प्रतिनिधि छानिएका छन् । सभापति शाह, प्रदेश सभा सदस्यहरु टेकबहादुर रैका र दिव्वेश्वरी शाह भने स्वतः प्रतिनिधि हुने व्यवस्था अनुसार स्वतः प्रतिनिधि छानिएका छन् ।

सो वडाबाट वर्तमान जिल्ला सचिव पूर्ण कुँवर, प्रचार विभाग प्रमुख नृप सुनार पनि क्षेत्रीय प्रतिनिधि छानिएका छन् ।

प्रतिनिधिमा वडाध्यक्ष नरबहादुर बम, यादवप्रसाद जोशी, भीमबहादुर शाह, यज्ञराज उपाध्याय, गजराज पाण्डे, वसव्यवसायी टेकराज जोशी, उद्योग वाणिज्य संघका उपाध्यक्ष पुस्कर ओझालगायत छानिएका छन् ।

२७ कात्तिक २०७८, शनिवार १०:११ बजे प्रकाशित