कैलालीमा मोटरसाइकल दुर्घटना हुदाँ एक जनाको मृत्यु , एक घाइते
कैलालीको टीकापुरमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा टिकापुर नगरपालिका १ बस्ने ६० वर्षीय राजु चन्द रहेको प्रहरीले जनाएको छ ।
सत्तिबाट टिकापुर जाने क्रममा टिकापुर ५ मौरानियामा चन्दले चलाएको से ७ प १३४८ नम्बरको मोटरसाइकल आफै अनियन्त्रित भई दुर्घटना भएको प्रहरीले जनाएको छ ।
दुर्घटनामा घाइते भएका चन्दलाई उपचारका लागि कोहलपुर लैजाने क्रममा मृत्यु भएको हो । यस्तै मोटरसाइकल पछाडी सवार रहेका सोही ठाउँका ४५ वर्षीय अनिल जोशी घाइते भएका छन्।
टाउकोमा चोट लागेका उनको नेपालगन्जमा उपचार भैरहेको छ ।
६ वैशाख २०७८, सोमवार ०९:३१ बजे प्रकाशित
