संविधानसभा अध्यक्ष एवम् नेकपा एमालेका उपाध्यक्ष सुवास नेम्वाङको निधन भएको छ । उनको हृदयघातबाट निधन भएको अस्पतालले जनाएको छ।

हृदयघात भएका उनलाई राति नै गंगालाल अस्पताल पुर्‍याइएको थियो। अस्पताल पुर्‍याउनेबित्तिकै चिकित्सकले मृत घोषणा गरेका थिए।

नेम्वाङ इलाम- २ बाट निर्वाचित सांसद थिए। एमालेका संसदीय दलका उपनेता रहेका उनको मंगलबार बिहान १ बजे निधन भएको हो ।

नेम्वाङ शनिबार धरानमा युवा संघको सम्मेलनमा सहभागी भएका थिए। आइतबार पनि दिनभर सिंहदरबारमै थिए।

सोमबारचाहिँ असहज महसुस भएको भन्दै घरमै बसेका थिए।

नेम्वाङको पार्थिव शरीर श्रद्धाञ्जलीकालागि आज र भोलि (मंगलबार र बुधबार) पार्टी कार्यालय च्यासलमा राखिने भएको छ। भोलि अपाराह्नपछि मात्रै अन्तिम संस्कार हुने भएको छ ।

२६ भदौ २०८०, मंगलवार ०८:५० बजे प्रकाशित