कैलाली । नेपालले यूएईलाई हराउँदै जिम्बाबेमा हुने विश्वकप छनोटमा स्थान बनाएको खुसीयालीमा कैलालीका युवाहरूले दीप प्रज्वलन गरेका छन् ।

कैलालीको पहलमानपुरमा खेलकुद प्रेमी युवाहरूले दीप प्रज्वलन गरेर नेपालको जितमा खुसीयाली मनाएका हुन् । नेपालमा राम्रो रङ्गशाला छैन तर, नेपाली क्रिकेट खेलाडी विश्वकप खेल्ने मात्रै होइन जिते लयमा पुगिसकेका छन् । उनीहरुको हौसला र जितको खुसीमा हामीले प्रज्वलन गरेका हौँ धनञ्जय कठायतले भने ।

कीर्तिपुरस्थित टीयू क्रिकेट मैदानमा सम्पन्न खेलमा नेपालले यूएईलाई डीएलएस मेथडबाट ९ रनले हराउँदै विश्वकप छनोटमा स्थान पक्का गरेपछि पहलमानपुर चोकमा जम्मा भएर युवाहरूले दीप बालेका हुन् ।

२ चैत २०७९, बिहीवार २१:१९ बजे प्रकाशित