कैलालीमा मोटरसाइकल दुर्घटना हुँदा एकजनाको मृत्यु
कैलालीमा मोटरसाइकल दुर्घटना हुँदा एकजनाको मृत्यु भएको छ । जिल्लाको गोदावरी नगरपालिका–१ मा सु.प.प्र.०१–०१० प ३६९ नम्बरको मोटरसाइकल आफै अनियन्त्रित हुँदा एक जनाको मृत्यु भएको छ ।
दुर्घटनामा मोटरसाइकल चालक कञ्चनपुरको लालझाडी गाउँपालिका –४ जाँई शिबिरका ३२ वर्षीय राजु चौधरीको मृत्यु भएको कैलाली प्रहरीले जनाएको छ ।
दुर्घटनामा गम्भीर घाइते भएका चौधरीको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ ।
२२ कात्तिक २०७९, मंगलवार १५:५९ बजे प्रकाशित
