‘आजाद भारत’का पहिलो मतदाता श्याम सरन नेगीको निधन
स्वतन्त्र भारत अर्थात् ‘आजाद भारत’का पहिलो मतदाता श्याम सरन नेगीको निधन भएको छ । हिमाचल प्रदेशको किन्नौर निवासी नेगीको आज बिहान १०५ वर्षको उमेरमा निधन भएको हो ।
हिमाचल प्रदेशका मुख्यमन्त्री जयराम ठाकुरले नेगीको निधनमा दुःख व्यक्त गरेका छन् । उनलाई भारतीय लोकतन्त्रको जिउँदो इतिहास मानिन्थ्यो ।
पेशाले शिक्षक रहेका उनले स्वतन्त्र भारतको पहिलो मतदाताको रुपमा सन् १९५१ को २५ अक्टुबरमा मतदान गरेका थिए । त्यसयताका सबै चुनावमा आफूले मतदान गरेको उनले बीबीसीसँगको एक कुुराकानीमा बताएका थिए ।
१९ कात्तिक २०७९, शनिवार ११:२५ बजे प्रकाशित
