गायक रुपक डोटेलको ‘आमा’ बोलको गीत सार्वजनिक
आमाको मुख हेर्ने दिनको पूर्व सन्ध्या पारेर गायक रुपक डोटेलको ‘आमा‘’ बोलको गीत सार्वजनिक भएको छ ।
सञ्जय विक्रम शाहद्वारा रचना गरिएका शब्दहरुको उक्त गीतलाई संगीतकार महेश ज्ञवालीले संगीतबद्ध गरेका छन् ।
सञ्जय हमाल यो गीतका संगीत संयोजक हुन् । यो गीतको म्युजिक भिडियोलाई सशान कँडेलले संगीतबद्ध गरेका छन् । भिडियोमा सिशन सिंह तथा सरिता राजोपाध्यायले अभिनय गरेका छन् । दीपक गिरी तथा राज पोखरेलद्वारा छायांकन गरिएको भिडियोलाई विकास दाहालले सम्पादन गरेका हुन् ।
१६ वैशाख २०७९, शुक्रवार ०९:११ बजे प्रकाशित
