मोटरसाइकलको ठक्करबाट गम्भीर घाइते थारु कल्याकारिणी सभा (थाकस) कैलालीका सभापति लाहुराम चौधरीको निधन भएको छ । धनगढीस्थित मायामेट्रो अस्पतालमा उपचारको क्रममा उनको आज मंगलबार निधन भएको हो ।

धनगढीको ६ लेन सडकका पैदल हिड्दै गरेको अवस्थामा चौधरीलाई शनिबार साँझ कञ्चनपुरको शुक्लाफाँटा नगरपालिका–४ का २९ वर्षीय समिर घिमिरेले चलाएको प्रदेश ०२–०३–०१७–प ५९७३ नम्बरको मोटरसाइकलले ठक्कर दिएको थियो ।

मोटरसाइकलको ठक्करबाट गम्भीर घाइते उनको मायामेट्रोमा आइसीयु राखेर उपचार गर्ने क्रममा निधन भएको थारु कल्याणकारिणी सभा कैलालीका पूर्व सभापति प्रभातकुमार चौधरीले जानकारी दिए ।

६ वैशाख २०७९, मंगलवार १४:२३ बजे प्रकाशित