सुदूरपश्चिम आज थप ४५ जनामा कोरोना संक्रमण पुष्टि भएको छ। स्वास्थ्य निर्देशनालय दीपायलले सार्वजनिक गरेको तथ्यांकअनुसार ९९८ जनाको एन्टिजेन र १०९ जनाको पीसीआर परीक्षण गर्दा सो संख्यामा संक्रमण पुष्टि भएको हो।

संक्रमण पुष्टि भएका ४५ जना मध्ये ५ जना आजै भारतबाट फर्केका नागरिक हुन्। आज सुदूरपश्चिमका बिभीन्न नाका भएर ८७० जना स्वदेश फर्केका छन्। निर्देशनालयका अनुसार प्रदेशमा १ हजार ४२१ जना सक्रिय संक्रमित पुगेका छन्।

यस्तै थप एक संक्रमितको मृत्यु भएको छ। कञ्चनपुरको दोधराचाँदनी नगरपालिका–७ की ४५ वर्षीया महिलाको आइतबार राति सेती प्रादेशिक अस्पतालमा मृत्यु भएको हो।

२ फागुन २०७८, सोमवार १८:१७ बजे प्रकाशित