नेपाली फिल्म ‘ए मेरो हजुर ४’ को शीर्ष गीत ‘फूलको थुङ्गा’ सार्वजनिक भएको छ । राजधानीमा शुक्रबार एक कार्यक्रम गरी फिल्मको गीत सार्वजनिक गरिएको हो ।

ए मेरो हजुर ४ मा नेपाली रजतपटका स्टार किड्स अनमोल केसी र सुहाना थापाले अभिनय गरेका छन् ।  आज सार्वजनिक भएको गीतमा रवि मल्लको शब्द तथा कल्याण सिंहको संगीत रहेको छ ।

ए मेरो हजुर सिक्वेलको पहिलो फिल्ममा रहेको फूलको थुङ्गालाई पुनःर्सिजना गरेर तयार भएको संगीतमा गायक सुगम पोखरेल र अस्मिता अधिकारीले आवाज दिएका छन् ।

ए मेरो हजुर ४ सुहाना इन्टरटेन्मेन्टको ब्यानरमा निर्माण भएको हो । सुहाना इन्टरटेन्मेन्ट नायिका झरना थापाको कम्पनी हो । नायिका थापाको निर्देशनमा बनेको यो फिल्मको कथा स्वर्गीय छेतेन गुरुङ र निर्देशकको सहकार्यमा तयार भएको हो भने पटकथा गुरुङ र निर्देशक थापासहित ७ जनाको समूहले तयार पारेको हो ।

कोरोनाका कारण निर्माणमा ढिलाइ भएको यो फिल्म नयाँ वर्षको अवसरमा प्रदर्शनमा ल्याउने तयारी रहेको फिल्म निर्माण कम्पनीले बताएको छ ।

२८ माघ २०७८, शुक्रवार २०:०३ बजे प्रकाशित