३ लाख बढीको अवैध सामान बरामद
कञ्चनपुरको भीमदत्तनगरपालिका–४ महेन्द्रनगर बसपार्क क्षेत्रबाट प्रहरीले ३ लाख बढीको अवैध सामान बरामद गरेको छ ।
भारतबाट भन्सार छलेर ल्याएका लुगाकपडा र चप्पललगायतका ३ लाख १० हजार मूल्य बराबरको सामान बरामद गरिएको प्रहरीले जनाएको छ ।
बुधबार साँझ बसपार्क क्षेत्रमा बेवारिसे अवस्थामा उक्त सामान बरामद भएको जिल्ला प्रहरी कार्यालय कञ्चनपुरका डीएसपी चक्रबहादुर शाहले बताए । उक्त सामान गड्डाचौकी भन्सार कार्यालयलाई बुझाइएको छ ।
२१ माघ २०७८, शुक्रवार १५:०८ बजे प्रकाशित
