लमजुङमा विद्यार्थी बोकेको जिप दुर्घटना हुँदा ३ जनाको मृत्यु भएको छ । मर्स्याङ्दी गाउँपालिका– ८ भुस्मेनजिकै भएको दुर्घटनामा अन्य ६ जना घाइते भएका लमजुङका सहायक प्रमुख जिल्ला अधिकारी जगदीश मिश्रले जानकारी दिए । बुधबार बिहान झण्डै पौने १२ बजे जिप दुर्घटना भएको उनले बताए ।

जिपमा विद्यार्थी र शिक्षक सवार रहेको भनिए पनि यकिन जानकारी प्राप्त भई नसकेको सहायक प्रजिअ मिश्रले बताए । मिश्रकाअनुसार अहिले पनि उद्धार कार्य जारी रहेकाले घटनाको पूर्ण विवरण आइसकेको छैन ।

२३ मंसिर २०७८, बिहीवार १२:३८ बजे प्रकाशित