सामाजिक सुरक्षा कोष (एसएसएफ) ले निजी क्षेत्रका प्रत्येक प्रतिष्ठानहरुलाई कोषमा अनिवार्य रुपमा आबद्ध हुन निर्देशन गरेको भन्दै बैंक तथा वित्तीय संस्था र कर्पोरेट जगतका कर्मचारीहरु विरोधमा छन्।

बुधबार बैंकर्स क्लव धनगढीले पनि विरोध गरेको छ । बैंकर्स ल्कव धनगढीको आयोजनामा बैंक तथा वित्तीय संस्थामा आबद्ध कर्मचारीहरूले विरोध गरेका हुन् ।

सामाजिक सुरक्षा कोषको अवधारणालाई कार्यान्वयनमा ल्याउनुअघि राम्रोसँग गृहकार्य नगरेकाले पनि योगदानकर्ता (कर्मचारी) ले विश्वास गर्न नसकिरहेको क्लवका अध्यक्ष धर्म बिष्टले बताए ।

कोषमा सहभागिता फराकिलो हुनेगरी आबद्धता बढाउन सरकारको योगदान बढ्नुपर्ने र कोष ऐनको दफा ११ को व्यवस्थालाई सदुपयोग गरेर भिन्न-भिन्न किसिमका स्किमहरु ल्याउनुपर्ने बैंकिङ विज्ञहरूको भनाई छ ।

२३ असार २०७८, बुधवार १०:४४ बजे प्रकाशित