नेकपाको केन्द्रीय कार्यालयमा एमालेको बोर्ड राखियो
धुम्बाराहीस्थित केन्दीय पार्टी कार्यालयमा नेपाल कम्युनिस्ट पार्टी (नेकपा)को बोर्ड हटाएर नेकपा (एमाले) को बोर्ड राखिएको छ ।
सर्वोच्च अदालतले नेकपा एमाले र नेकपा माओवादी केन्द्र ब्यूँताइदिए पछि केन्दीय पार्टी कार्यालयमा एमालेको बोर्ड राखिएको हो ।
नेकपा एमाले र माओवादी केन्द्रबीच एकीकरण हुनु अगाडि धुम्बाराहीमा एमालेकै मुख्यालय थियो ।
यसैगरी, देशभरका तत्कालीन एमालेका कार्यालयहरुमा पनि नेकपाको बोर्ड हटाएर एमालेकै बोर्ड राख्न निर्देशन दिइएको छ ।
नेपाल कम्युनिस्ट पार्टी (नेकपा) नाम ऋषि कट्टेललाई दिँदै एमाले र माओवादी केन्द्रबीचको पार्टी एकीकरण बदर गरिदिएको सर्वोच्च अदालतले जनाएके छ ।
२५ फागुन २०७७, मंगलवार ११:२९ बजे प्रकाशित
