उपेन्द्रका ‘विश्वासपात्र’ रातारात नेकपामा, ओलीले गरे बालुवाटारमै स्वागत
जनता समाजवादी पार्टीका अध्यक्ष उपेन्द्र यादवका विश्वासपात्र मानिएका केन्द्रीय सदस्य डा। शिवजी यादव सत्तारुढ दल नेकपा ओली समूहमा प्रवेश गरेका छन् ।
उनी अबेर राति बालुवाटार पुगेर नेकपामा प्रवेश गरेका हुन् । यादवलाई प्रधानमन्त्री केपी शर्मा ओलीले नेकपामा मङ्गलबार राति १० बजे प्रवेश गराएका हुन् ।
जसपाका अध्यक्ष यादवसँगको मनमुटावका कारण ओली समूहमा प्रवेश गरेको उनीनिकट एक नेता बताउँछन् ।
डा। यादव दोस्रो संविधानसभामा समानुपातिक तर्फका सदस्य थिए । उनी तत्कालीन मधेसी जनअधिकार फोरम र पछि संघीय समाजवादी फोरमको संसदीय दलका प्रमुख सचेतक रहेका थिए ।
२१ माघ २०७७, बुधवार १०:२२ बजे प्रकाशित
