नेपाल नगरपालिका संघ सुदूरपश्चिमको उप संयोजकमा गोदावरी नगरपालिका अत्तरियाकी उप प्रमुख रत्ना कडायतलाई मनोनित गरिएको छ ।

उपसंयोजक केन्द्रिय सदस्यमा मनोनित भएपछि खाली रहेको पदमा मंगलबार उप प्रमुख कडायतलाई मनोनित गरिएको हो । गोदावरी नगरपालिकाको न्यायिक समितिकी संयोजक रहेकी कडायत उपसंयोजकमा मनोनित भएपछि संघमा कडायतको योगदान महत्वूर्ण हुने विश्वास लिइएको छ ।

यसैगरी दार्चुलाको महाकाली नगरपालिका उप प्रमुख सुना बोहरालाई प्रदेश सदस्यमा मनोनित गरिएको छ । नगरपालिका संघ नगरपालिकाका प्रमुख , उपप्रमुखहरुको छाता संगठन हो ।

८ पुस २०७७, बुधवार ११:०३ बजे प्रकाशित