सुनको मूल्य तोलामा ९०० रुपैयाँ घट्यो
नेपाल सुनचाँदी व्यवसायी महासंंघका अनुसार आज सुनको मूल्य तोलामा ९०० रुपैयाँ घटेको छ । यसअघि प्रतितोला ९४ हजार ९०० रुपैयाँमा कारोबार भएको छापावाल सुन आज ९४ हजार रुपैयाँमा खरिदबिक्री हुने महासंघले जानकारी दिएको छ ।
यसैगरी सोही परिमाणको तेजावी सुनलाई आज प्रतितोला ९३ हजार ५०० रुपैयाँ पर्नेछ । यता, चाँदीको मूल्य पनि तोलामा ५० रुपैयाँले गिरावट आएको छ ।
हिजो प्रतितोला एक हजार ३१५ रुपैयाँमा कारोेबार भएको चाँदीलाई आज एक हजार २६५ पर्ने महासंघले जानकारी दिएको छ ।
८ पुस २०७७, बुधवार ११:१६ बजे प्रकाशित
