संसद विघटनपछि सात मन्त्रीले दिए राजीनामा
प्रधानमन्त्री केपी शर्मा ओलीले संसद विघटनपछि त्यसको विरोध गर्दै सात जना मन्त्रीले सामूहिक राजीनामा दिएका छन् ।
सत्तारुढ नेपाल कम्युनिस्ट पार्टी (नेकपा)मा कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल निकट मन्त्रीहरुले राजीनामा दिएका हुन् ।
राजीनामा दिनेहरुमा कृषिमन्त्री घनश्याम भुसाल, पर्यटनमन्त्री योगेश भट्टराई, उर्जामन्त्री वर्षमान पुन, वनमन्त्री शक्ति बस्नेत, शिक्षामन्त्री गिरिराजमणि पोखरेल, खानेपानीमन्त्री विना मगर र श्रममन्त्री रामेश्वर राय यादव छन् ।
उनीहरुले आफूहरुले असहमति जनाउँदा जनाउँदै पनि प्रधामन्त्री ओलीले संसद विघटनका लागि सिफारिस गरेको बताएका छन् ।
५ पुस २०७७, आइतवार १६:५८ बजे प्रकाशित
