Hotel Flora Long Ad

उपमेयरले सिलालेखमा ढुंगा हान्दै भनिन्, ‘मेरो मर्यादा कसले राख्ने ?’

कैलालीको घोडाघोडी नगरपालिकाकी उपमेयर प्रेमकुमारी थापाले आफ्नो नाम नराखिएको भन्दै सिलालेख फोडेकी छन् ।

नगरपालिकाको वडा नम्बर ७ को भवन उद्घाटन कार्यक्रममा सिलालेखमा आफ्नो नाम नराखेको भन्दै उपमेयर थापाले ढुंगा बजारेर सिलालेख फोडेकी हुन् । उनले सिलालेखमा ढुंगा बजारेपछि मेयर ममताप्रसाद चौधरीले हात छोपेका थिए । मेयरले सिलालेखको पर्ता हटाएर उद्घाटन गर्दैगर्दा उपमेयर थापाले ढुंगा बजार्न सुरु गरेकी हुन् ।

मेयर चौधरीले उपमेयर थापाको हात हटाउँदै नगरन भन्छन् । मर्यादाको पनि हद हुन्छ नि भन्दै मेयर चौधरी पछि हट्छन् । तर, उपमेयरले थापाले भने ढुंगापछि हातले सिलालेखमा बजार्दै मेयर चौधरीको विरोध गर्छिन् र भन्छिन्, ‘मेरो मर्यादा कसले राख्ने ?’

मेयर ममताप्रसाद चौधरीले आफ्नो नाम नराखेको भन्दै उपमेयर थापाले वडा कार्यालयको भवन उद्घाटनका क्रममा सिलालेखमा ढुङ्गा हानेर फोडेको बताए ।

उपमेयर थापाले पनि सिलालेखमा आफ्नो नाम राख्न आग्रह गर्दागर्दै पनि मेयर र प्रमुख प्रशासकीय अधिकृतले वाइपास गरेकाले त्यो अवस्था सिर्जना भएको प्रतिक्रिया दिइन् ।

१ कात्तिक २०७७, शनिवार १६:३७ बजे प्रकाशित

Dhangadi Corona

प्रतिक्रिया दिनुहोस्

सम्बन्धित शीर्षकहरु