नेपालमा पछिल्लो २४ घण्टामा कोरोना संक्रमणबाट २६ जनाको मृत्यु भएको छ। योसँगै संक्रमणबाट नेपालमा ज्यान गुमाउनेको संख्या ७९१ पुगेको छ।

बुधबार ५ हजार ७४३ जना नयाँ संक्रमित थपिएका छन्। जसमध्ये काठमाडौं उपत्यकामा मात्रै ३ हजार १०७ जनामा संक्रमण देखिएको छ । २० हजार ११८ जनाको परीक्षण गर्दा उनीहरुमा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यस्तै, पछिल्लो २० घण्टामा २ हजार ९९६ जना संक्रमणमुक्त भएका छन् । योसँगै कोरोना भएर निको हुनेको संख्या ९९ हजार ६०५ पुगेको छ।

५ कात्तिक २०७७, बुधवार १७:०५ बजे प्रकाशित