हुम्लाको उत्तरी नाम्खा गाउँपालिकाको लिमीमा सशस्त्र प्रहरी पोस्ट स्थापना गर्ने तयारी अन्तिम चरणमा पुगेको छ ।

नाम्खा–६ मा पर्ने लिमी लाप्चामा सशस्त्र प्रहरी पोस्ट स्थापना हुने भएको छ । लाप्चास्थित नेपाल–चीन १२ नम्बर सीमा स्तम्भभन्दा २५ किलोमिटर टाढा नेपालको टाक्ची भ्यालीमा सशस्त्रको पोस्ट स्थापनाका हुन लागेको हो ।

हालै यो नाकाको सन्दर्भमा राष्ट्रिय अन्तर्राष्ट्रियस्तरमा चर्चा र परिचर्चा भइरहेका बेला समुद्री सतहभन्दा ४ हजार मिटरभन्दा अग्लो स्थानमा रहेको टाक्चीमा सशस्त्रको पोस्ट स्थापना गर्न लागिएको हो । हुम्लाको उत्तरी नाका हिल्सामा पनि असार ६ गते बीओपी स्थापना भइसकेको छ ।

हाल हिल्सामा प्रहरी निरीक्षक सुरज केसीको नेतृत्वमा  २२ सशस्त्र सुरक्षाकर्मीको समूह सीमा क्षेत्रमा तैनाथ छ । हिल्सामा कम्पाउण्ड सहितको ९ कोठे पक्की भवनमा सशस्त्र प्रहरी बसेको छ ।

समुद्री सहतहदेखि ३ हजार ६०० मिटर उचाइमा रहेको पोस्टमा हिउँदमा पनि सशस्त्र प्रहरी त्यहीँ बस्ने बताइएको छ ।

यो नाकाबाट विशेषगरी जडीबुटी तथा वन्यजन्तुका अंगहरूको अवैधरूपमा ओसारपसार हुन नदिनका लागि स्थापना हुने लागेको सशस्त्र प्रहरी कार्यालय हुम्लाले बताएको छ ।

१४ असोज २०७७, बुधवार ०९:१९ बजे प्रकाशित