बैतडीका दुई शिक्षकमाथि छात्रा बलात्कारको आरोप, यसरी खुल्यो रहस्य
बैतडी, भदौ २३
बैतडीमा दुई शिक्षकमाथि छात्रालाई बलात्कार गरेर गरेर गर्भवती बनाएको आरोप लागेको छ ।
जिल्लाको दुर्गम सिगास गाउँपालिकाका शिक्षकले आफ्नै विद्यालयमा अध्ययनरत १७ वर्षीया छात्रालाई बलात्कार गरी गर्भवती बनाएको आरोप लागेको हो ।
पीडित किशोरी बलात्कार भएपछि अर्कैसँग भागेर बिहे गरेको र छ महिनामै छोरी जन्मिएपछि बलात्कार गरेको कुरा बाहिर आएको हो ।
ती छात्रामाथि पटकपटक बलात्कार गरेपछि भागेर बिहे गर्न बाध्य बनाएको छात्राका आफन्तले आरोप लगाएका छन् ।
छ महिनामै छोरी जन्मिएपछि किशोरीलाई घरका मानिसले सोधपुछ गर्दा आफूलाई ती व्यक्तिहरुले बलात्कार गरेको किशोरीले बताएको एक आफन्तले जानकारी दिए । घटना पहिलेको भए पनि गाउँमै मिलाउने भन्दै धेरै प्रयास गरिएको थियो ।
जिल्ला प्रहरी कार्यालयका प्रमुख प्रहरी नायब उपरीक्षक नारायणप्रसाद अधिकारीले पीडित किशोरीलाई जिल्ला सदरमुकाममा ल्याउने तयारी भएको र किशोरीसँगको वयानपछि मात्रै घटनाका बारेमा थाहा हुने बताए ।
किशोरीलाई ललाम इफकाई गरेर करणी भएको भए पनि कानूनअनुसार कारवाही हुने प्रहरी नायब उपरीक्षक अधिकारीले बताए ।
मुलुकी अपराध संहिता, २०७४ को परिच्छेद १८ मा १८ वर्षभन्दा कम उमेरका महिलालाई ललाइफकाई वा महिलाको मञ्जुरी लिएर करणी गरेमा समेत कानूनी कारबाही हुने उल्लेख छ ।
कानूनअनुसार १६ वर्ष वा सोभन्दा बढी १८ वर्षभन्दा कम उमेरकी महिलामाथि करणी गरेमा १० देखि १२ वर्षसम्म कैद सजाय हुने उल्लेख छ ।
यद्यपि बलात्कारको आरोप लागेकाहरुलाई भने अहिलेसम्म प्रहरीले नियन्त्रणमा लिएको छैन ।
२३ भदौ २०७७, मंगलवार ०८:४७ बजे प्रकाशित
