आज साउनको तेस्रो सोमबार, शिवालयहरुमा भक्तजनको घुइँचो
धनगढी । आज साउनको तेस्रो सोमबार । सोमबारको ब्रत बस्ने भक्तजनहरुको आज बिहानै शिवालयहरुमा घुइँचो लागेको हा ।
साउन महिना भगवान् शिवको महिना र सोमबार भगवान् शिवजीको बार मानिने भएकाले आज शिवालयहरुमा व्रतालु तथा श्रद्धालुको भीड लागेको हो ।
यस दिन विशेषरुपमा आशुतोष भगवान् शिवको पूजा, आराधना गरिन्छ । नेपालमा सौरमास अनुसारका सोमबार नै व्रत गर्ने परम्परा छ ।
आजका दिन काठमाडौंको पशुपति मन्दिरसहित देशैभरका शिवालयहरुमा श्रद्धालु भक्तजनहरुको घुइँचो लागेको छ ।
२१ साउन २०८१, सोमवार ०७:३८ बजे प्रकाशित
