कैलालीमा माइतीघरबाट फर्किरहेकी महिला खोलामा बगेर बेपत्ता
धनगढी । कैलालीमा खोलाले बगाएर एक महिला बेपत्ता भएकी छन्।
मोहन्याल गाउँपालिका–४ बस्ने २५ वर्षीया कल्पना बम शनिबार बिहान माइतीघरबाट फर्किने क्रममा सुपली खोलामा बगेर बेपत्ता भएकी हुन् ।
खोला तर्ने क्रममा उनी बगेर ठूलीगाडमा बेपत्ता भएको प्रहरीले जनाएको छ ।
इलाका प्रहरी कार्यालय पण्डौनबाट प्रहरी टोली खटिएर खोजतलास भइरहेको जिल्ला प्रहरी कार्यालय कैलालीले जनाएको छ ।
५ साउन २०८१, शनिवार ०९:४८ बजे प्रकाशित
