धनगढी। कैलालीमा दुई मोटरसाइकल एक आपसमा ठोक्किएर दुर्घटना हुँदा तीन जना घाइते भएका छन् ।

जिल्लाको गोदावरी नगरपालिका–२ अत्तरियामा  बिहीवार साँझ ६:३० बजे २ मोटरसाइकल एक आपसमा  ठोकिएर दुर्घटना हुँदा ३ जना घाइते भएका हुन् ।

घाइते हुनेमा सुपप्र ०१ ००८ प ७२९० नम्बरको मोटरसाइकलका चालक गोदावरी नगरपालिका–१ का २८ वर्षिय भुवन विक, सुपप्र ०९ प १४४८ नम्बरको मोटरसाइकलका चालक डोटीको सायल गाउँपालिमा–९ का २५ वर्षिय चक्र कटुवाल र पछाडी सवार दिपक ऐर रहेका छन्।  घाइते तिनै जनाको अत्तरिया स्थित पदमा अस्पतालमा उपचार भइरहेकोे छ।

दुर्घटनामा घाइते भएका विकको अवस्था गम्भिर रहेको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ । अन्य २ को अवस्था भने सामान्य रहेको प्रहरीले बताएको  छ। 

१४ भदौ २०८०, बिहीवार २३:२८ बजे प्रकाशित