प्रचण्डविरुद्धको रिटमा सुनुवाइ सकियो, कारण देखाऊ, रिट खारेजी वा अन्तरिम आदेश आजै आउने
प्रधानमन्त्री एवं नेकपा ९माओवादी केन्द्र०का अध्यक्ष पुष्पकमल दाहाल ुप्रचण्डुविरुद्धको रिटमाथि सर्वोच्च अदालतमा सुनुवाइ सकिएको छ ।
न्यायाधीश ईश्वप्रसाद खतिवडाको इजलासमा रिट निवेदक पक्षको प्रारम्भिक बहस सकिएको हो । शुरूमा रिट निवेदक पक्षले मात्र बहस गर्न पाउँछन् ।
बहसमा सहभागी वरिष्ठ अधिवक्ता ध्रुवलाल श्रेष्ठले ुकन्फ्लिक्ट अफ इन्ट्रेस्टुको विषय भएकाले प्रचण्डले प्रधानमन्त्री पदबाट राजीनामा दिनुपर्ने बताए ।
ुप्रहरीमा दर्ता भएर अनुसन्धान गर्नुपर्ने विषय छ । उहाँ ९प्रचण्ड० आफैं प्रधानमन्त्री र गृहमन्त्री समेत हुनुहुन्छ । त्यसो हुँदा मुद्दाको अनुसन्धानमा असर पर्छ । उहाँले मार्गप्रशस्त गर्नुपर्छ,ु वरिष्ठ अधिवक्ता श्रेष्ठले भने ।
उनले यसो भनिरहँदा न्यायाधीश खतिवडा हाँसेका थिए, तर कुनै प्रतिक्रिया दिएनन् ।
अर्का वरिष्ठ अधिवक्ता बालकृष्ण नेउपानेले यो विषयलाई संवैधानिक इजलासमा लैजान माग गरे ।
जवाफमा न्यायाधीश खतिवडाले आवश्यक परे ु१० जनाको लार्जर बेन्चुमै पनि लैजान सकिने बताए ।
यस रिटमाथि वरिष्ठ अधिवक्ताहरू दिनेश त्रिपाठी, शिवकुमार यादव तथा निवेदक अधिवक्ता ज्ञानेन्द्र आरणले पनि बहस गरे ।
प्रहरी कार्यालयहरूमा जाँदा जाहेरी लिन नमानेकाले कम्तीमा जाहेरी दर्ता भएर अनुसन्धान होस् भन्ने आफूहरूको माग रहेको उनीहरूले बताएका थिए ।
सुनुवाइ सकिएपछि अहिले खाजा ब्रेक भएको छ ।
यस रिटका सम्बन्धमा कारण देखाऊ, रिट खारेजी वा अन्तरिम आदेश आजै आउनेछ ।
२६ फागुन २०७९, शुक्रवार १३:४० बजे प्रकाशित
