धादिङ – धादिङमा आइतवार राति एक दम्पतीको हत्या भएको छ । जिल्लाको त्रिपुरासुन्दरी गाउँपालिका ३ आहालेमा आफ्नै घरमा सुतिरहेको अवस्थामा ६२ वर्षका विष्णुबहादुर आलेमगर र उहाँकी ६० वर्षीया श्रीमती निरमायाको विभत्स हत्या भएको हो ।

उनीहरूको शव ठाउँ–ठाउँमा धारिलो हतियारले प्रहार गरेर क्षतविक्षत बनाएको अवस्थामा भेटिएको जिल्ला प्रहरी कार्यालय धादिङले जनाएको छ । स्थानीयवासीले घटनाको बारेमा खबर गरेपछि प्रहरीले घटनास्थल पुगेर अनुसन्धान थालेको छ ।

आलेमगर दम्पतीको घर एकान्तमा भएकाले घटना हुँदा कसैलाई जानकारी नभएको स्थानीयवासीले बताएका छन् ।

२६ मंसिर २०७९, सोमवार १४:३४ बजे प्रकाशित