सेतीमा गरिएको परीक्षणमा थप ११ जनामा कोरोना संक्रमण पुष्टि
सेती प्रादेशिक अस्पतालमा गरिएको परीक्षणमा थप ११ जनामा कोरोना संक्रमण पुष्टि भएको छ ।
पछिल्लो २४ घण्टामा ६०नमुना परीक्षण गर्दा थप ११जनामा संक्रमण पुष्टि भएको अस्पतालका सूचना अधिकारी दिलीपकुमार श्रेष्ठले जानकारी दिए ।
यस्तै २४ घण्टामा ३ जना निको भई घर फर्किएका छन् । हाल अस्पतालमा १६ जना संक्रमित विरामी उपचाररत छन् । ती मध्ये ४ जनाको आइसियु र ३ जनाको भेन्टिलेटरमा उपचार भइरहेको छ ।
२८ माघ २०७८, शुक्रवार १३:२४ बजे प्रकाशित
