पत्रकार महासंघका पूर्वमहासचिव केसी कांग्रेसको क्षेत्रीय सभापति निर्वाचित
नेपाल पत्रकार महासंघका पूर्वमहासचिव पोषण केसी नेपाली कांग्रेसको राजनीतितर्फ सक्रिय हुने भएका छन्।उनी बाँके निर्वाचन क्षेत्र नम्बर १ मा कांग्रेसको क्षेत्रीय सभापति निर्वाचित भएका छन्।
बाँके–१ मा शुक्रबार सम्पन्न प्रतिनिधि सभा क्षेत्रीय अधिवेशनमा प्रतिद्वन्द्वी माधवराम खत्रीलाई ४७ मतले पराजित गर्दै क्षेत्रीय सभापतिमा निर्वाचित भएका हुन्।
कुल खसेको ६ सय १ मतमध्ये केसीले ३ सय १६ र खत्रीले २ सय ६९ मत पाएका छन्।केसी प्यानलबाट खुमबहादुर बस्नेत र खत्री प्यानलबाट जयश्वर पौडेल सचिवमा विजयी भएका छन्।
यस्तै सहसचिवमा केसी प्यानलबाट रामबहादुर रावत र खत्री प्यानलबाट दिपेन्द्र उप्रेती निर्वाचित भएका छन्।
१० मंसिर २०७८, शुक्रवार १६:१० बजे प्रकाशित
