दार्चुला जिल्लामा दशैँका लागि नयाँ नोटको अभाव भएको छ। दशैंका लागि नयाँ नोट ल्याउन शुक्रबार लक्ष्मी बैंक लेकम शाखामा पुगेपनि नयाँ नोट नपाएर रित्तोहात फर्किनुपरेको लेकम गाउँपालिका वडा नम्बर २ का नारायण जोशीले बताए। राष्टिय बाणिज्य बैंकमा समेत यो वर्ष प्रयाप्त मात्रामा नयाँ नोट नपुगेको बताइएको छ।

जिल्ला सदरमुकाम खलंगामै नयाँ नोट पाउन मुस्कील भइरहेको छ भने ग्रामीण क्षेत्रहरुका बैंकहरुमा खुद्रा र नयाँ नोटको उपलब्धता नभएको सेवाग्राहीको गुनासो छ।नयाँ नोट नपाएर सटही गरिएको पुराना नोटको समेत अभाव भएको छ।

२३ असोज २०७८, शनिवार १५:३० बजे प्रकाशित