लगातार चार घण्टा पाँच मिनेट २० सेकेण्डसम्म गीत गाएर विश्व कीर्तिमान कायम गरेका शहरी विकास राज्यमन्त्री रामवीर मानन्धरलाई प्रमाणपत्र हस्तान्तरण गरिएको छ ।

भारतको नयाँ दिल्लीमा आयोजित कार्यक्रममा राज्यमन्त्री मानन्धरलाई भारतका सामाजिक न्याय तथा अधिकारिकता राज्यमन्त्री रामदास आठवलेले उक्त प्रमाणपत्र हस्तान्तरण गरे । मन्त्री मानन्धरले गत पुस १० गते नेपालमै आयोजित एक कार्यक्रममा गीत प्रस्तुत गर्दै रेकर्ड कायम गरेका थिए ।

कार्यक्रममा शहरी विकास राज्यमन्त्री मानन्धरले नेपाल भारतबीच पौराणिक कालदेखि सम्बन्ध रहेको बताउँदै दुई देशबीचको सम्बन्ध थप सुमधुर बनाउन सबै पक्षले भूमिका खेल्नुपर्नेमा जोड दिए । मन्त्री मानन्धरसँग दिल्ली अध्ययन केन्द्रले अन्तरक्रियासमेत आयोजना गरेको छ ।

२१ माघ २०७७, बुधवार १६:५६ बजे प्रकाशित