अछाम घर भई धनगढीमा अध्ययनरत विद्यार्थी बेपत्ता
अछाम घर भई धनगढीमा अध्ययनरत एक जना विद्यार्थी एक हप्तादेखि वेपत्ता भएका छन् ।
अछामको मंगलसेन–११ खिमाडा घर भई कैलाली बहुमुखी क्याम्पसमा कक्षा १२ (बिज्ञान संकाय) मा अध्ययनरत प्रशान्त भण्डारी सम्पर्कविहिन भएका हुन् ।
उनी धनगढी क्याम्पस रोडमा डेरा गरि बस्दै आएका थिए। जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टले भण्डारी वेपत्ता रहेको जानकारी आएकाले उनको खोजी भइरहेको जानकारी दिए ।
उनका आफ्न्तले कहिँ कतै भेटाएमा नजिकको प्रहरीलाई खबर गरिदिनु आग्रहसमेत गरेका छन् ।
१२ माघ २०७७, सोमवार १५:४५ बजे प्रकाशित
